Mlipakodi au mwananchi yeyote anaweza kuwasilisha malalamiko ya kodi au taarifa za kodi kwa Ofisi ya Usuluhishi wa Malalamiko na Taarifa za Kodi (TOST) kupitia njia zifuatazo:

• Kutembelea Ofisi za TOST

Tembelea ofisi ya TOST iliyopo jengo dogo la Hazina Mji wa Serikali – Mtumba, Dodoma au Hazina ndogo Dar es Salaam uwasilishe malalamiko yako kwa maandishi au kwa maelezo ya mdomo kwa afisa anayehusika.

• Kuwasilisha kwa Njia ya Posta

Tuma malalamiko yako ya kodi pamoja na nyaraka zote za uthibitisho kupitia anuani ifuatayo: Ofisi ya Usuluhishi wa Ma//lalamiko na Taarifa za Kodi (TOST)

S.L.P. 1441, Mji wa Serikali – Mtumba, Dodoma, Tanzania.

• Kuwasilisha kwa Barua Pepe

Tuma malalamiko au taarifa zako za kodi kupitia mojawapo ya barua pepe zifuatazo: malalamiko@tos.go.tz, service@tos.go.tz au huduma@tos.go.tz

• Kupiga simu bila malipo (Kituo cha Huduma kwa Wateja)

Piga simu bila malipo kupitia namba: 0800 111 022, Huduma hii inapatikana siku za kazi, Jumatatu hadi Ijumaa, kuanzia saa 2:30 asubuhi hadi saa 10:00 jioni.

• Mfumo wa Kusimamia Malalamiko ya Kodi (TCMS)

Wasilisha malalamiko yako kwa njia ya mtandao kupitia Mfumo wa Kusimamia Malalamiko ya Kodi (TCMS) unaopatikana kupitia tovuti ya TOST: www.tos.go.tz au moja kwa moja kupitia kiungo: https://tcms.tos.go.tz/tos

• Programu ya Simu ya Suluhu ya Kodi

Wasilisha malalamiko yako kwa urahisi kupitia Programu ya Suluhu ya Kodi (SuluhuyaKodi App) inayopatikana kwenye simu za Android (Playstore) na iPhone (iOS).

• WhatsApp

Wasilisha malalamiko au taarifa za kodi kupitia namba rasmi ya WhatsApp:

+255 736 010 022

• Kupiga *152*00#

Kisha utachagua namba 10 Mbele,

Kwenye huduma za Serikali chagua namba 6 (Suluhu ya Kodi) kupata huduma zote za TOST ikiwemo Tuma Lalamiko, Toa Taarifa, Fuatilia Lalamiko/Taarifa, Msaada